REGLAMENT DEU CONCORS 2024
ARTICLE 1 – PRESENTACION DEU CONCORS
L'Associacion LO BASCO E LA PLUMA (ací-après lo « LO BASCO E LA PLUMA », l’« Associacion » o l’« Organizator» ), associacion declarada dont la sedença sociau ei situada 10, Carrèra Lasseguette a BAIONA (64100), inscrivuda au repertòri SIRENE devath lo numèro 915 331 557, qu'organiza despuish lo mes de deceme de 2022 , un concors literari portant sus las Hèstas de Baiona (ací-après nommat lo « Concors »), segon las modalitats detalhadas dens lo present reglament (ací-après nommat lo « Reglament »).
Lo Reglament deu Concors qu'a hèit l'objècte d'un depaus au près de l'Estudi d'Uishèrs/Comissaris de Justice SARL Pascal MORAU & Kévin LAGUERRE-CAMY situada 43, Avienguda André Ithurralde a SENT JAN DE LUZ (64500). Qu'ei consultader sus plaça .
Lo present Reglament qu'entrarà en vigor lo 13 d'octobre de 2023 .
Tota persona desirant participar au Concors (ací-après nommada lo « Participant ») que s'engatja a respectar lo present Reglament.
ARTICLE 2 – CONSULTA E ACCEPTACION DEU REGLAMENT
Lo Reglament qu'ei liurament consultader suu site internet deu Concors a l'adreça seguenta : https://www.lebasqueetlaplume.art/reglement-du-concours-oc.html
Los participants que declaran aver pres coneishença deu present Reglament e de n'acceptar totas las modalitats.
La validacion de la participacion au Concors qu'ei condicionada per l'acceptacion pura e simpla, shens resèrva, peu Participant, deu present Reglament.
Aquera acceptacion qu'ei materializada peu cochage d'ua casa dedicada figurant dens lo formulari de participacion desmaterializat accessibla a l'adreça https://www.lebasqueetlaplume.art/upload-occitan.html o per la redaccion de la mencion reprodusida a l'article 5 ací devath dens lo corrièr de participacion adreçat per via postau.
ARTICLE 3 – TÈMAS DEU CONCORS 2024
Lo tèma generau deu Concors literari pòrta sus las Hèstas de Baiona.
Que s'ageish entau Participant de redigir un raconte reau o fictiu en referéncia a las Hèstas de Baiona, qui'n constituïràn lo decòr, l'ambient, lo perfum, la scèna o lo pretèxte (ací-après lo « Manuscrit » o lo « Tèxte »).
Aquera redaccion que's presentarà en un manuscrit liure, podent anar deu poèma a la novèla, d'un scenari o d'ua sceneta, evocant deus lòcs, de las scènas, deus personatges.
TÈMA CONCORS ADULTES
OMBRAS E LUTZ OMBRAS & LUTZ
Unics e pluraus. Gaujosas lo dia, la nueit jogant dab l'impossible. Mainadècas o desvergonhadas, tostemps en roi e blanc, multicolòrs o tòrs nud, dançantas o tanguantes, sàvias e delirantas, briagas de musicas o horrups de brut, deliciosas o terriblas, las Hèstas de Baiona que pòrtan a incandescéncia los excès de totas las hèstas : lo gai deu momentòt, l'esmaliciada deus limits, las gaujors, lo batahòri e l'embriaguèra.
Arrés n'a pas pas la soa plaça a las Hèstas de Baiona. Qu'arcuelhen l'Aute, tots los autes, sustot los qui vienen de luenh, d'enlòc o d'alhors. Las claus de la vila que son balhadas a totas e a tots. Aqueth don que merita que s'i pèrdia lo cap shens forçadament i pèrder la rason. Qu'ei çò lo ton pingorlat que's retròba dens los liures escriuts deu prumèr Concors literari (2023) : las Hèstas com mosaïc de tèxtes, d'encontres, de soviéners preciós o pegàs, de lengas e de tons.
N'ei pas quitament obligat de har las Hèstas entà n'escríver.
Que's los pòt imaginar de luenh o d'a-costat.
Qu'an aquera fòrça de ns'imaginar shens qu'ac sapiam e de ns'incitar a los díser.
THÈME CONCOURS LYCÉEN
Escríver las hèstas.
Escríver shens descríver.
A la literatura, preferir la leugeretat
D'un fandango.
Dia ! E puish hèitas çò qui'vs voletz,
Potoatz qui voletz,
Entratz dens la dança
Tota enviada despassant
10000 signes (espacis comprés)
Ne poirà pas, qu'ei domau,
Être pres en compte.
Las hèstas ?
Ne's digó pas la hèsta, enqüèra mensh la feria.
Non : que's digó las hèstas, au plurau.
Las hèstas ? Que son mila, un milion,
Ua centena, tres amigas en goguette,
Dus amorós sols au monde,
Aqueths sètaquí qui cantan,
Los companhs e companhas qui's sap
Retrobar a òra fixa …
Un momentòt, un espiar, la hora tranga,
Los crits e los arríders.
Que s'enten votz .
Cent soviéners entà mila ans.
D'alhors, malaut, absenta o simplament vielh,
Que's pòt har las hèstas de cap.
Que's los pòt har de pertot,
Amassa, e com a las Hèstas,
Shens plan saber com.
Los Tèxtes que deuràn obligatòriament respectar lo Tèma atau com lo formalisme definit a l'article 4.2 de las presentas, entà que la participacion au Concors sia considerada com valida.
ARTICLE 4 - CONDICIONS DE PARTICIPACION
La participacion au Concors qu'ei liura e gratuita.
L'apreciacion de la validitat de la participacion deu Participant qu'ei apreciada au dia de la somission deu dossièr d'inscripcion tau com definit a l'article 5 de las presentas, çò que lo Participant reconeish e qu'accèpta exprèssament .
ARTICLE 4.1. CONDICIONS RELATIVAS AU PARTICIPANT
Aqueth concors qu'ei obèrt a tota persona fisica quaus que sian lo son atge e la soa nacionalitat, a l'excepcion deus membres de l'Associacion, de las juradas e de la lor familha.
Los participants laureats o premiats pendent ua edicion precedenta que son autorizats a participar.
Lo Participant « Licean » qu'ei definit com tota persona escolarizada dens un Licèu (Classa de 2au, 1ra o en Terminau) au dia de la data limita de remesa deu Manuscrit.
Cada Participant ne poirà pas presentar qu'un sol Manuscrit.
Lo Participant que reconeish que la soa participacion au Concors ei condicionada per l'acceptacion, shens resèrva, deu Reglament dens las condicions e segon las modalitats descrivudas ací-abans a l'article 2.
Lo Participant que declara estar lo sol e unic autor deu Manuscrit qui sosmet en vista de la participacion au Concors.
ARTICLE 4.2. CONDICIONS RELATIVAS AU MANUSCRIT
Lo Manuscrit que deu respectar los tèmas diferents entà las Categorias adultas e Liceans taus com descrivuts dens l'article 3 deu Reglament precitat.
En mei, lo Manuscrit que deurà egaument e imperativament respectar las condicions seguentas :
• èste redigit en lenga francesa, en lenga basca o en lenga occitana exclusivament
• èste limitat a 10.000 signes (espacis comprés) entà la Categoria Liceans ;
• èste limitat a 15.000 signes (espacis comprés) entà la Categoria Adultas ;
• contiéner un títol ;
• èste redigit en format papèr o .pdf, talha de polícia 12 e interlignes 1,5 ;
• comportar pas nada indicacion personau permetent d'identificar l'autor ;
• non pas contiéner elements contraris a l'ordi public o a las bonas costumas ;
• non pas portar prejudici aus drets de la personalitat de tèrç o presentar un caractèr difamatòri, injuriós, obscèn, pornografic, ofensant, violent o incitant a la discriminacion, a la violéncia politica, racista, xenofòba, sexista o omofòba ;
• non pas portar prejudici a drets de proprietat intellectuau detienuts per tèrç (drets d'autor, mèrcas, dessenhs e modèles…).
Tota contravencion a l'ua o l'aute d'aqueras condicions qu'entrainarà automaticament l'anullacion de la participacion au Concors.
La remesa deu Manuscrit que deurà estar realizada dens lo respècte de las condicions definidas a l'article 5 deu Reglament.
ARTICLE 5 – MODALITATS DE PARTICIPACION E REMESA DEUS TÈXTES
La participacion au Concors que s'efectua per la transmission d'un dossièr de participacion :
- Per via electronica a l'adreça seguenta : concours2024@lebasqueetlaplume.art ;
- Per via postau per Letra seguida a l'adreça seguenta : LO BASCO & LA PLUMA, BP8384, 64103 BAIONA ;
- Peu formulari d'inscripcion accessibla en linha a l'adreça https://www.lebasqueetlaplume.art/upload-occitan.html
Quan la remesa deu dossièr s'efectua per via electronica o per via postau, lo dossièr de participacion qu'ei constituït deus documents seguents :
- Un corrièr de participacion redigit e signat peu Participant e comprenent las indicacions suivantes :
• Las informacions e coordenadas personaus : nom, prenom, data de neishença, nacionalitat, adreça postau, email ;
• L'establiment escolar e la classa en cas de participacion au Concors deus Liceans ;
• La mencion relativa a l'acceptacion deu Reglament deu concors redigida dens los tèrmes seguents : « Que reconeishi aver pres coneishença e acceptat lo Reglament deu Concors accessible e liurament consultader suu site de l'Organizator
a l'adreça https://www.lebasqueetlaplume.art/reglement-du-concours-oc.html» ;
• La mencion relativa a l'utilizacion de las dadas a caractèr personau redigida dens los tèrmes seguents : « Que consenti exprèssament a çò qui las dadas personaus hornidas dens l'encastre deu concors hàcian l'objècte d'un tractament per l'Associacion Lo Basquet e la Pluma ».
- Lo Manuscrit en format papèr (en cas de transmission per via postau) o .pdf (en cas de transmission per via electronica), redigit dens las condicions descrivudas a l'article 4.2.
Lo Participant que reconeish e qu'accèpta que pòt pas sosméter qu'un sol Manuscrit pendent lo periòde deu Concors, ua sola participacion per persona estant autorizada.
La remesa deus Manuscrits que's harà au mei tard lo 17 de març de 2024 a miejanueit, data de barradura de las participacions.
Si lo Participant utiliza la via postau, lo dossièr de participacion e lo Manuscrit que deuràn estar recepcionats au mei tard ad aquera data per l'Organizator, lo sagèth de la pòsta hant fe.
ARTICLE 6 – VALIDACION DE LAS PARTICIPACIONS
Los Participants qu'autorizan exprèssament la verificacion de la lor identitat a las fins de validacion de la lor participacion.
Lo Participant qu'ei exprèssament informat que l'Organizator deu Concors s'assegurarà, abans la remesa deus Tèxtes aus membres de la Jurada, qui la soa participacion ei sustot confòrma aus articles 3, 4 e 5 deu present Reglament.
Tota contravencion a l'ua o l'aute de las disposicions d'aqueths articles qu'entrainarà automaticament l'anullacion de la participacion au Concors.
ARTICLE 7 – MODALITATS DE SELECCION DEUS LAUREATS
Los Manuscrits somés en vista de la participacion au Concors e respectant las condicions expausadas aus articles 3, 4 e 5 deu present Reglament que seràn presentats a duas juradas distintas (ací-après nommats individuaument lo « Jurada » o la « Peña - Jurada ») segon que son redigits en lenga
francesa o basca.
Los Participants dont lo Manuscrit serà seleccionat per cada Peña – Jurada, dens las condicions ací-après detalhadas, que seràn designats Laureats deu Concors (ací-après los « Laureats »).
ARTICLE 7.1. COMPOSICION DE LAS JURADAS
La Jurada entà la lenga francesa que serà co-presidida per :
- Dauna Florence DELAY : escrivana de romans, pèças de teatre e d'ensais e membre de l'Acadèmia Francesa despuish 2000 ;
- Lo Sénher Francis MARMANDA : escrivan, critic literari, dessenhaire, jornalista taurin e musician de Jazz.
La jurada entà la lenga basca que serà presidida per Dauna Itxaro BORDA, escrivana de romans, poèmas e ensais e ganhanta deu prèmi Euskadi dens la categoria « literatura en lenga basca ».
La jurada de lenga occitana que serà presidida per Sèrgi JAVALOYÈS, autor, romancèr e poèta en lenga occitana.
Cada Jurada que serà compausada de 5 membres dens un apròchi equilibrat òmis/hemnas, a saber 5 escrivan-e-s de literatura basca, occitana o francesa o personas qualificadas dens lo maine de la literatura.
ARTICLE 7.2. CRITÈRIS DE SELECCION
Cada Jurada que seleccionarà de faiçon objectiva e imparciau los Laureats en hant compte de las qualitats literàrias, de l'originalitat deu Manuscrit prepausat e de la soa adeqüacion dab lo tèma tau com precisat a l'article 3 deu present Reglament.
ARTICLE 7.3. PROCEDIMENT DE SELECCION
Cada Jurada que procedirà a la seleccion deus Laureats per lectura e comparason de l'ensemble deus tèxtes presentats de faiçon anonima, shens que nat element d'identificacion deu Participant ne sia pas vededer pendent la seleccion .
Au tèrme d'aqueth procediment de seleccion, vint e quate (24) Manuscrits que seràn designats Laureats deu Concors segon las modalitats seguentas :
- Tres (3) Manuscrits en lenga francesa que seràn designats Laureats deu Concors literari reservat aus liceans,
- Tres (3) Manuscrits en lenga basca que seràn designats Laureats deu Concors literari reservat aus liceans,
- Tres (3) Manuscrits en lenga occitana que seràn designats Laureats deu Concors literari reservat aus liceans,
- Cinc (5) Manuscrits en lenga francesa que seràn designats Laureats deu Concors literari reservat aus adultes ;
- Cinc (5) Manuscrits en lenga basca que seràn designats Laureats deu Concors literari reservat aus adultes ;
- Cinc (5) Manuscrits en lenga occitana que seràn designats Laureats deu Concors literari reservat aus adultes .
Dens cada categoria un deus Laureats que serà designat Vencedor deu Concors .
Las deliberacions que seràn confidenciaus e la decision de las Juradas ne poirà pas balhar lòc a un recors.
ARTICLE 7.4. SORT DEUS TÈXTES NON RETIENUTS PER LAS JURADAS
Los manuscrits non retienuts per las Juradas que seràn suu pic destrusits per l'Organizator . Cada participant que reconeish exprèssament estar estat informat d'aquera clausa e l'aver acceptada.
ARTICLE 8 – ANÓNCIA DEUS RESULTATS E REMESA DEUS PRÈTZ
Los Laureats que seràn contactats individuaument per corric e/o per corrièr, los informant de la lor designacion e de las modalitats de remesa deus prètz.
Los sheis(6) Vencedors que seràn egaument contactats per telefòne e convidats a l'anóncia oficiau deus resultats e a la remesa deus prètz qui aurà lòc lo 5 de julhet 2024 a Baiona, Ostau Villa KOEGUI au 7, carrèra Frédéric BASTIAT.
L'Organizator deu Concors que prenerà a la soa carga las despensas de transpòrts (tren en segonda classa a l'exclusion de tot aute mejan de transpòrt) e las despensas d'aubergaments (dens lo limit d'ua nueitada dens un establiment causit per l'Organizator) deus Vencedors.
Pendent la ceremonia, deus extrèits deus Manuscrits deus Vencedors que poiràn estar presentats au public e ua conferéncia de premsa qu'aurà lòc .
Lo Participant que reconeish d'ara endavant estar informat que los Manuscrits deus Laureats e deus Vencedors que seràn editats dens un recuelh publicat a las Edicions ATLANTICA (ací-après definit lo « Recuelh »).
Que seràn egaument publicats suu site internet deu Concors accessible a l'adreça : www.lebasqueetlaplume.art
Fin finau, los Laureats e Vencedors que's veiràn egaument reméter ua recompensa despartida segon las modalitats seguentas :
- Un prèmi d'ua valor de 700 euros TTC entaus Vencedors Adultes
- Un prèmi d'ua valor de 300 euros TTC entaus Vencedors Liceans
- Un prèmi d'ua valor de 150 euros TTC entaus autes Laureats
ARTICLE 9 – PROPRIETAT INTELLECTUAU
ARTICLE 9.1. RESPÈCTE DEUS DRETS MORAUS D'AUTOR
L'Organizator que s'engatja a respectar lo dret morau d'autor deu Participant, tau com previst a l'article L. 121- 1 deu còdi de proprietat intellectuau entà tota utilizacion qui harà drets cedits.
En particular, l'Organizator que s'engatja a :
- Respectar l'integritat deu Manuscrit e deu tèxte somés dens l'encastre deu Concors literari en ne procedint pas a nada modificacion de l'òbra shens aver obtienut prealablament l'autorizacion escriuta de l'autor ;
- Respectar la paternitat de l'autor deu Manuscrit en mencionant sistematicament lo son nom quan lo Manuscrit hàcia l'objècte d'ua reproduccion o d'ua representacion.
ARTICLE 9.2. CESSION DEUS DRETS PATRIMONIAUS D'AUTORS
Lo Participant qui serà designat Laureat que s'engatja d'ara endavant a cedir a l'Organizator, a títol gratuit e exclusiu, autanlèu la soa designacion, los drets patrimoniaus d'autor (sustot drets de reproduccion e de representacion) grevant lo son Manuscrit permetent sustot l'edicion deu Recuelh publicat a los
Edicions ATLANTICA atau com la comunicacion, publicitat, promocion de l'obratge.
Aquera cession que serà materializada per la mesa en plaça d'un contracte de cession de drets d'autor au profieit de l'Organizator.
ARTICLE 9.3. GUARANTIDAS E ENGATJAMENTS DEU PARTICIPANT
Lo Laureat que declara aver la proprietat plea, entièra e exclusiva deus drets d'autors portant suu Manuscrit qui sosmet en vista de la participacion au Concors e sustot qu'a pas introdusit dens lo son Manuscrit nada referéncia, reminiscéncia o semblança susceptibla de violar los drets de tèrç.
ARTICLE 10 – RESPONSABILITAT DE L'ORGANIZATOR
L'Organizator que's resèrva lo dret entà rasons independentas de la soa volontat hant impossible l‘execucion deu Concors dens las condicions iniciaument previstas (imprevision o fòrça màger) d'anullar, reportar, interrómper o prorogar lo Concors, shens que la soa responsabilitat posca pas estar engatjada d'aqueth hèit.
En mei, que poirà anullar tot o partida deu Concors si apareish que fraudas son intervienudas devath quauqua fòrma qui aqueth sia, e sustot dens las condicions de participacion au Concors o dens la seleccion deus Laureats.
Dens aquera ipotèsi, l'Organizator que's resèrva lo dret de non pas atribuïr los prètz e recompensas mencionadas a l'article 8 ací dessús, quitament de perseguir los autors d'aqueras fraudas davant las juridiccions competentas.
Que's resèrva egaument lo dret d'exclúser definitivament deu Concors tota persona qui, peu son comportament, que noseré a la soa bona debanada .
ARTICLE 11 – DADAS A CARACTÈR PERSONAU
Pendent la somission de la soa participacion, lo Participant qu'assabenta un formulari dens las condicions expausadas a l'article 5 ací-abans. Per mèdi d'aqueth formulari, lo Participant que horneish a l'Organizator de las dadas a caractèr personau .
L'Associacion Lo basco e la Pluma, responsabla deu tractament, que comença un tractament de dadas a caractèr personau tà çò deu Participant dont la finalitat ei relativa a l'organizacion deu Concors.
Aqueth tractament qu'ei fondat sus :
- Lo consentiment exprès de las personas concernidas balhat pendent l'inscripcion au Concors. Lo dit consentiment qu'ei formalizat per mèdi d'ua casa a entalhar prevista dens lo formulari d'inscripcion en linha o d'ua mencion manuscrita qui deu figurar dens lo corrièr de participacion ;
- Lo respècte d'obligacions legaus tau com lo dret a la paternitat d'un autor sus la soa òbra.
Las dadas collectadas per l'Associacion dens l'encastre deu Concors que son las seguentas :
- Identitat deu Participant : nom e prenom, atge ;
- Informacions de contacte : adreça de corric / email, adreça postau, nacionalitat.
Que son indispensablas au respècte de la finalitat mencionada ací-abans, l'Organizator davant s'assegurar deu respècte de las condicions de participacion mencionadas a l'article 4 deu Reglament.
Las dadas a caractèr personau deus Participants que son conservadas dinc au tèrme deu Concors .
Pertocant los Laureats, las dadas a caractèr personau que seràn conservadas dinc au tèrme de la durada de cession deus drets d'autors prevista a l'annèxe 1 deu Reglament.
Confòrmament au Reglament Generau sus la Proteccion de las Dadas (ací-après lo « RGPD »), lo Participant qu'a la facultat d'exercir los drets seguents :
- Lo dret d'accès, de rectificacion, d'esvaniment e de portabilitat de las soas dadas a caractèr personau ;
- Lo dret de limitacion e d'oposicion au tractament de las soas dadas a caractèr personau ;
- Lo dret de definir las directivas relativas au sòrt de las dadas a caractèr personau après lo son decès.
Entà exercir los sons drets, lo Participant que pòt adreçar ua demanda a l'Associacion, per corrièr a l'adreça seguenta (bonjour@lebasquetetlaplume.art) o a l'adreça postau figurant dens l'article 1 deu Present Reglament.
Fin finau, lo Participant que dispausa egaument deu dret d'introdusir ua reclamacion auprès de la Comission Nacionau de l'Informatica e de las Libertats per via postau.
Entad aquò har, lo Participacion que pòt sasir la CNIL per via postau (3 Plaça de Fontenoy – TSA 80715 – 75 334 PARÍS CEDEX 07) o en linha (https://www.cnil.fr).
ARTICLE 12 – LOI APLICADER E JURIDICCION COMPETENTA
Lo Reglament deu Concors qu'ei sosmetut a la lei francesa, sustot a la reglamentacion aplicadera aus jòcs e concors e a las disposicions deu Còdi de la proprietat intellectuau.
Tota reclamacion o contestacion arribant au parat de l'interpretacion, de la validitat, de l'execucion deu Reglament qui poirà pas estar reglada de faiçon amiable que serà sosmetuda aus tribunaus competents de la vila de BORDÈU.